Rangers arrest 3 key accused in Tahir Plaza inferno case

کراچی سے سانحہ طاہر پلازہ کے 3 مرکزی ملزم گرفتار ، ترجمان رینجرز

کراچی: رینجرز نے شہر کے مختلف علاقوں میں کارروائیوں کے دوران سانحہ طاہر پلازہ میں ملوث 3 مرکزی ملزمان کو گرفتار کرلیا۔

ترجمان رینجرز کے مطابق شہر کے مختلف علاقوں میں کارروائیوں کے دوران سانحہ طاہر پلازہ میں ملوث 3 مرکزی ملزمان کو گرفتار کرلیا گیا ہے جن میں محمد علی قریشی عرف درندہ عرف کالا عرف کن کٹا، نعیم اور شمس شامل ہیں۔ ترجمان کا کہنا تھا کہ ملزمان نے دوران تفتیش طاہر پلازہ میں کیمیکل چھڑک کر آگ لگانے کا اعتراف کرلیا ہے اور ملزمان کا تعلق سیاسی جماعت سے ہے جب کہ ایک ملزم نعیم لائنز ایریا کا سابق یوسی ناظم ہے۔

واضح رہے کہ 9 اپریل 2008 کو سٹی کورٹ کے قریب واقع طاہر پلازہ میں کیمیکل چھڑک کر آگ لگائی گئی تھی جس میں 2 خواتین سمیت 6 افراد زندہ جل گئے تھے۔ ایکسپریس نیوز