ﺳُﻨﺎ ﮨﮯ ﻟﻮﮒ ﺍُﺳﮯ ﺁﻧﮑﮫ ﺑﮭﺮ ﮐﮯ ﺩﯾﮑﮭﺘﮯ ﮨﯿﮟ
ﺳﻮ ﺍُﺱ ﮐﮯ ﺷﮩﺮ ﻣﯿﮟ ﮐﭽﮫ ﺩﻥ ﭨﮭﮩﺮ ﮐﮯ ﺩﯾﮑﮭﺘﮯ ﮨﯿﮟ
ﺳُﻨﺎ ﮨﮯ ﺑﻮﻟﮯ ﺗﻮ ﺑﺎﺗﻮﮞ ﺳﮯ ﭘﮭﻮﻝ ﺟﮭﮍﺗﮯ ﮨﯿﮟ
ﯾﮧ ﺑﺎﺕ ﮨﮯ ﺗﻮ ﭼﻠﻮ ﺑﺎﺕ ﮐﺮ ﮐﮯ ﺩﯾﮑﮭﺘﮯ ﮨﯿﮟ
ﺳُﻨﺎ ﮨﮯ ﺭﺑﻂ ﮬﮯ ﺍُﺱ ﮐﻮ ﺧﺮﺍﺏ ﺣﺎﻟﻮﮞ ﺳﮯ
ﺳﻮ ﺍﭘﻨﮯ ﺁﭖ ﮐﻮ ﺑﺮﺑﺎﺩ ﮐﺮ ﮐﮯ ﺩﯾﮑﮭﺘﮯ ﮨﯿﮟ
ﺳُﻨﺎ ﮨﮯ ﺩﻥ ﻣﯿﮟ ﺍُﺳﮯ ﺗﺘﻠﯿﺎﮞ ﺳﺘﺎﺗﯽ ﮨﯿﮟ
ﺳُﻨﺎ ﮨﮯ ﺭﺍﺕ ﮐﻮ ﺟﮕﻨﻮ ﭨﮭﮩﺮ ﮐﮯ ﺩﯾﮑﮭﺘﮯ ﮨﯿﮟ
ﺳُﻨﺎ ﮨﮯ ﺍُﺱ ﮐﮯ ﺑﺪﻥ ﮐﯽ ﺗﺮﺍﺵ ﺍﯾﺴﯽ ﮨﮯ
ﮐﮧ ﭘﮭﻮﻝ ﺍﭘﻨﯽ ﻗﺒﺎﺋﯿﮟ ﮐﺘﺮ ﮐﮯ ﺩﯾﮑﮭﺘﮯ ﮨﯿﮟ
ﺳُﻨﺎ ﮨﮯ ﺍُﺳﮯ ﺑﮭﯽ ﮨﮯ ﺷﻌﺮ ﻭ ﺷﺎﻋﺮﯼ ﺳﮯ ﺷﻐﻒ
ﺳﻮ ﮨﻢ ﺑﮭﯽ ﻣﻌﺠﺰﮮ ﺍﭘﻨﮯ ﮬُﻨﺮ ﮐﮯ ﺩﯾﮑﮭﺘﮯ ﮨﯿﮟ
ﺳُﻨﺎ ﮨﮯ ﺩﺭﺩ ﮐﯽ ﮔﺎﮨﮓ ﮨﮯ ﭼﺸﻢِ ﻧﺎﺯ ﺍُﺱ ﮐﯽ
ﺳﻮ ﮨﻢ ﺑﮭﯽ ﺍُﺱ ﮐﯽ ﮔﻠﯽ ﺳﮯ ﮔﺰﺭ ﮐﮯ ﺩﯾﮑﮭﺘﮯ ﮨﯿﮟ
ﺳُﻨﺎ ﮨﮯ ﺣﺸﺮ ﮨﯿﮟ ﺍُﺱ ﮐﯽ ﻏﺰﺍﻝ ﺳﯽ ﺁﻧﮑﮭﯿﮟ
ﺳُﻨﺎ ﮨﮯ ﺍُﺱ ﮐﻮ ﮨﺮﻥ ﺩﺷﺖ ﺑﮭﺮ ﮐﮯ ﺩﯾﮑﮭﺘﮯ ﮨﯿﮟ
ﺳُﻨﺎ ﮨﮯ ﺍُﺱ ﮐﯽ ﺳﯿﺎﮦ ﭼﺸﻤﮕﯿﮟ ﻗﯿﺎﻣﺖ ﮨﮯ
ﺳﻮ ﺍُﺱ ﮐﻮ ﺳُﺮﻣﮧ ﻓﺮﻭﺵ ﺁﮦ ﺑﮭﺮ ﮐﮯ ﺩﯾﮑﮭﺘﮯ ﮨﯿﮟ
ﺳُﻨﺎ ﮨﮯ ﺭﺍﺕ ﺍُﺳﮯ ﭼﺎﻧﺪ ﺗﮑﺘﺎ ﺭﮨﺘﺎ ﮨﮯ
ﺳﺘﺎﺭﮮ ﺑﺎﻡِ ﻓﻠﮏ ﺳﮯ ﺍُﺗﺮ ﮐﮯ ﺩﯾﮑﮭﺘﮯ ﮨﯿﮟ
ﺳُﻨﺎ ﮨﮯ ﺭﺍﺕ ﺳﮯ ﺑﮍﮪ ﮐﺮ ﮨﯿﮟ ﮐﺎﮐﻠﯿﮟ ﺍُﺱ ﮐﯽ
ﺳُﻨﺎ ﮨﮯ ﺷﺎﻡ ﮐﻮ ﺳﺎﺋﮯ ﮔﺰﺭ ﮐﮯ ﺩﯾﮑﮭﺘﮯ ﮨﯿﮟ
ﺳُﻨﺎ ﮨﮯ ﺍُﺱ ﮐﮯ ﻟﺒﻮﮞ ﺳﮯ ﮔﻼﺏ ﺟﻠﺘﮯ ﮨﯿﮟ
ﺳﻮ ﮨﻢ ﺑﮩﺎﺭ ﭘﺮ ﺍﻟﺰﺍﻡ ﺩﮬﺮ ﮐﮯ ﺩﯾﮑﮭﺘﮯ ﮨﯿﮟ
ﺳُﻨﺎ ﮨﮯ ﺍُﺱ ﮐﮯ ﺷﺒﺴﺘﺎﮞ ﺳﮯ ﻣُﺘﺼﻞ ﮨﮯ ﺑﮩﺸﺖ
ﻣﮑﯿﮟ ﺍُﺩﮬﺮ ﮐﮯ ﺑﮭﯽ ﺟﻠﻮﮮ ﺍِﺩﮬﺮ ﮐﮯ ﺩﯾﮑﮭﺘﮯ ﮨﯿﮟ
ﺳُﻨﺎ ﮨﮯ ﺁﺋﯿﻨﮧ ﺗﻤﺜﺎﻝ ﮨﮯ ﺟﺒﯿﮟ ﺍُﺱ ﮐﯽ
ﺟﻮ ﺳﺎﺩﮦ ﺩﻝ ﮨﯿﮟ ﺍُﺳﮯ ﺑﻦ ﺳﻨﻮﺭ ﮐﮯ ﺩﯾﮑﮭﺘﮯ ﮨﯿﮟ
ﺳُﻨﺎ ﮨﮯ ﭼﺸﻢِ ﺗﺼﻮﺭ ﺳﮯ ﺩﺷﺖِ ﺍِﻣﮑﺎﮞ ﻣﯿﮟ
ﭘﻠﻨﮓ ﺯﺍﻭﯾﮯ ﺍُﺱ ﮐﯽ ﮐﻤﺮ ﮐﮯ ﺩﯾﮑﮭﺘﮯ ﮨﯿﮟ
ﺭُﮐﮯ ﺗﻮ ﮔﺮﺩﺷﯿﮟ ﺍُﺱ ﮐﺎ ﻃﻮﺍﻑ ﮐﺮﺗﯽ ﮨﯿﮟ
ﭼﻠﮯ ﺗﻮ ﺍُﺱ ﮐﻮ ﺯﻣﺎﻧﮯ ﭨﮭﮩﺮ ﮐﮯ ﺩﯾﮑﮭﺘﮯ ﮨﯿﮟ
ﺑﺲ ﺍِﮎ ﻧﮕﺎﮦ ﺳﮯ ﻟُﭩﺘﺎ ﮨﮯ ﻗﺎﻓﻠﮧ ﺩﻝ ﮐﺎ
ﺳﻮ ﺭﺍﮨﺮﻭﺍﻥِ ﺗﻤﻨّﺎ ﺑﮭﯽ ﮈﺭ ﮐﮯ ﺩﯾﮑﮭﺘﮯ ﮨﯿﮟ
ﺍﺏ ﺍُﺱ ﮐﮯ ﺷﮩﺮ ﻣﯿﮟ ﭨﮭﮩﺮﯾﮟ ﯾﺎ ﮐُﻮﭺ ﮐﺮ ﺟﺎﺋﯿﮟ
ﻓﺮﺍﺯ ﺁﺅ ﺳﺘﺎﺭﮮ ﺳﻔﺮ ﮐﮯ ﺩﯾﮑﮭﺘﮯ ﮨﯿﮟ
(ﺍﺣﻤﺪ ﻓﺮﺍﺯ)
Post a Comment