Is shahre sange dil ko jala dena chahiye...best ghazl - real full >>>

اس شہرِ سنگ دل کو جلا دینا چاہیے

پھر اس کی خاک کو بھی اُڑا دینا چاہیے

ملتی نہیں پناہ ہمیں جس زمین پر

اک حشر اس زمیں پہ اٹھا دینا چاہیے

حد سے گزر گئی ہے یہاں رسمِ قاہری

اس دہر کو اب اس کی سزا دینا چاہیے

اک تیز رعد جیسی صدا ہر مکان میں

لوگوں کو ان کے گھر میں ڈرا دینا چاہیے

گُم ہو چلے ہو تم تو بہت خود میں اے منیر

دنیا کو کچھ تو اپنا پتا دینا چاہیے

منیر نیازی