\لندن : مشہور ویب سائٹ پر ورزانہ لاکھوں اشیاءفروخت کیلئے پیش کی جاتی ہیں لیکن ایک بدکردار برطانوی باشندے نے اپنی نوجوان بہن کو اس ویب سائٹ پر فروخت کیلئے پیش کر دیا ہے۔ اٹھائیس سالہ نوجوان کائل نے ویب سائٹ پر اپنی 27 سالہ بہن سیمی کو فروخت کیلئے پیش کیا ہے لیکن اشتہار کو بہن کیلئے بوائے فرینڈ کی تلاش کا نام دیا ہے۔
یہ اشتہار ”Date My Sister“ کے عنوان کے تحت شائع کیا گیا ہے اور سیمی کے ساتھ رومانوی ملاقات کیلئے بولی لگانے کی پیشکش کی گئی ہے۔ سب سے زیادہ بولی لگانے والے مرد کو ملاقات کا موقع دیا جائے گا۔ اشہار میں سیمی کو فروخت کیلئے پیش کی گئی آئٹم کہہ کر پکارا گیا ہے اور اس کے بھائی نے تفصیلات میں لکھا ہے کہ اس کی بہن پانچ فٹ چار انچ قد کی خوبرو لڑکی ہے۔ اس کی آنکھیں نیلی اور بال گہرے سیاہ رنگ کے ہیں۔ بڑی ہی نرم و گداز اور میل جول کی رسیا ہے۔ بچے نہیں ہیں لیکن بالآخر بچوں کی خواہش ہے۔ ملاقات کا موقع خریدنے والے کیلئے شرائط میں شامل ہے کہ اس کا قد پانچ فٹ 8 انچ سے زائد ہو۔ اس کے پاس اچھی ملازمت اور کار ہو اور صحت بہت اچھی ہو۔ جبکہ عمر 27 سے 35 سال کے درمیان ہو۔ شادی شدہ اور بچوں والے بولی نہیں لگا سکتے۔ سیمی کا کہنا ہے کہ پہلے تو اسے یہ جان کر اچھا نہیں لگا کہ اسے کسی چیز کی طرح فروخت کیلئے پیش کیا گیا ہے لیکن اب وہ خوش ہے کہ اس کا بھائی بولی لگانے والوں کی بہت احتیاط سے جانچ کر رہا ہے تاکہ بہترین آدمی کا انتخاب کیا جا سکے۔
ڈیلی پاکستان کی ویب سائیٹ سے شائع کی گئی
إرسال تعليق