Urdu Poetry - Aisa nahi keh moonh main hamaray zuban nahi....hain kam sukhan

ایسا نہیں کہ منہ میں ہمارے زباں نہیں

ہیں کم سخن ضرور پہ عاجز بیاں نہیں

ہر چند جانتے ہیں اسے ہم قریب سے

پر کیا کریں کہ پاۓ سخن درمیاں نہیں

اچھا تو ایک پل کے لئے ہی اٹھا کے دیکھ

اے آسماں جو بار امانت گراں نہیں

خود ہم میں تاب دید نہیں ہے یہ اور بات

رہتا ہے وہ نگاہ کے آگے کہاں نہیں

فرخؔ کہیں نہ سن کے کرے وہ بھی ان سنی

کہتے ہیں اس سے اس لئے درد نہاں نہیں

  فرخ جعفری